الوطن قلبا يعشقنا

تعالوا

نرسم دائره حول الوطن

ونلقى من الايدى البنادق

فكم نعمنا منك ايها الوطن ومن خيرك الدافق

لنركض وراء رفعته ورقيه فى تسابق

تعالوا نغرس غرسا فى حفر الخنادق

فينبت نخلا أو ابنوس او عشقا او شعرا

او اى نبت غير هذا الشعور الخانق

ف الوطن قلبا

والقلب نبضه مع الحياة نغم متوافق

والقلب أسمى مراحله حين يكون عاشق

فكيف يكون الوطن قلبا يعشقنا

ونحن نصوب عليه البنادق

تعالوا نقسم قسما صادق

اقسم بالله العظيم ان اكون بك ياوطنى رحيم رافق

فكم نعمنا منك ايها الوطن ومن خيرك الدافق0

السودان ... مسيرة علا مابترتد

طرق وكبارى وسد

كان الرد

حائط صد

لمسيره للعلا ما بترتد

وقت الجد

أحنا عرق حديد

يدوق عدونا طعم مر صديد

معروفين شعب فريد

بالخير يمد الأيد

ويفرش بساط احمد

مزين ب الورد

وكرم بيزيد

طرق وكبارى

وسد

مشروعات زايده ف العد

جمال مرسوم فى طريق ممدود

بعرق وكد

ويد بيد

كبرى يودى للضفه مشدود شد

وسد

وخير أخضر محصود حصد

بلد

واسع خيره لحدوده وزايد حد

جناين ورد

وحمام ابيض وبسمه على الخد

طرق وكبارى وسد

كان الرد

طريق مرصوف للمجد

بمال من خزاينا ما من حد

جد

لكل البشر لكم مننا كل الود

فليعش سوداننا

نحن

جنــــد الله

جنــــد الوطـــــن

إن دعـــــا داعي الفـــداء لم نخــــن

نتحـــــــدى المـــوت عنـــد المحـــن

نشترى المجــد بأغلى ثمــــــــــــن

هـــــــــــــــذه الأرض لــــــــــنا

نحن جنــــد الله جنــــد الوطـــــن

إن دعـــــا داعي الفـــداء

لم نخــــن نتحـــــــدى المـــوت عنـــد المحـــن

نشترى المجــد بأغلى ثمــــــــــــن

هـــــــــــــــذه الأرض لــــــــــنا

فلــــــــــــــــــيعش ســــــوداننا عـــــــــــــــــلماً

بيـــــــن الأمـــم

يابني الســــودان

هـــــــذا رمــزكم

يحمل العبء ويحمى أرضـــــــــكم

يابني الســــودان هـــــــذا رمــزكم يحمل العبء ويحمى أرضـــــــــكم

السودان فى عيونى

لو ءانك

رأيت فى الاحلام لوحة

من الوان الطيف واغصان الشجر

وثمارونسمات ونيل

يشق عباب الارض مرسوم بالقدر

وشمس ساطعةوذاد حلمك تألقا فرأيت القمر

وقنقوليز وحبات من تمر

ونساء محتشمات كا الزهر

وطنبور يدندن بليل سمر

وافيال وغزلان ونمر

وقمح وسمسم قد عصر

وعمة بيضاءفوق رأس شامخ شموخ المنتصر

فهل تعرف لحلمك تفسير

أنك رأيت السودان

ياسودان أنا اكتب عن هواك لمحه

يا سودان

كل ميل من ترابك فيه فرحه

وسنابل شايلة مع الفرحه قمحه

يابلادى

فيك النيل عريس وأرضك عروس

ناسجه من خيوط الخير أحلى طرحه

ألأغصــان فيك بتتمايل مع النسمات

نديانه مرحه

والطير فى سماك سابحه

وفى رواحه منشرحــه

غزلان فى وديانــك تلهو مابين سباق ونطحه

أكتب أنا هنا

عن هواك فى نفسى بس لمحه

وين الكلام ال يساوى صفاتك السمحه

ياسودان

أطياف هواك ساكنه جواك

لعلاك تغدوا طامحـــه

روعة جنوبك والغروب.... نسمات شمالك

والشروق فى سطورك أحلى صفحه.